Երկուշաբթի, 23 փետրվարի, 2026 թ.
|
Ստեփանակերտում`   +6 °C

Բաքուն ածանցյալ պահանջներ ունի․ «Հրապարակ»

Բաքուն ածանցյալ պահանջներ ունի․ «Հրապարակ»
233
Ուրբաթ, 14 մարտի, 2025 թ., 09:00

«Հրապարակ»-ը գրում է․ «Ադրբեջանն ու Հայաստանն ավարտել են խաղաղության համաձայնագրի տեքստի համաձայնեցման բանակցությունները: ՀՀ-ն ընդունել է համաձայնագրի վերջին 2 չհամաձայնեցված կետերի վերաբերյալ ադրբեջանական կողմի առաջարկները»,- ասել է Ադրբեջանի ԱԳ նախարար Բայրամովը: Խոսքը միջազգային հայցերի հետքաշման և սահմանին երրորդ երկրներին պատկանող ուժեր չտեղակայելու մասին է։

ՀՀ ԱԳՆ-ն շտապեց աչքալուսանք տալ, թե՝ «Խաղաղության համաձայնագիրը պատրաստ է ստորագրման»։ Սկսել են խորհրդակցություններ «ստորագրման ժամկետների և տեղի շուրջ»։ Չնայած ՔՊ-ականներից ոմանք երեկ այս հայտարարությունն ակտիվորեն տարածում էին, սակայն մասնավոր զրույցներում խոստովանում էին, որ սա չի նշանակում, թե պայմանագիրը ստորագրվելու է՝ Բաքուն ածանցյալ պահանջներ է առաջ քաշել: Խոսքը Սահմանադրությունը փոխելու մասին չէ, որին Փաշինյանը համաձայնել է, այլ 350 հազար ադրբեջանցի փախստականների վերադարձի, Զանգեզուրի միջանցքի և ՀՀ-ի «ռազմական հանցագործներին» Բաքվին հանձնելու, ինչի մասին քանի անգամ հայտարարում է Ադրբեջանի նախագահի օգնական Հաջիևը»։