«Թարգեք ձեր մանր «բազառները», իրական «բազառի» հերթական էջը հենց նոր գրվեց». Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը․ «Տղերքը շփվեցին, վերջացրին, թարգեք ձեր մանր «բազառները», իրական «բազառի» հերթական էջը հենց նոր գրվեց...
Էականը՝ Պուտինը համաձայնեց չխփել Ուկրաինայի էներգետիկ ենթակառուցվածքներին և (կամ) 30 օր զինադադար պահպանել, եթե Զելենսկին համաձայնի: Թրամփը գոհ է, Զելենսկին էլ, կարծում եմ, կհամաձայնի:
Ոմանք այստեղ ռուսական հաջողությունն են տեսնում, բայց հիշենք, որ պատերազմը սկսվեց «Մտնենք Կիև, հասնենք Լվով» մարտակոչով, հետո պահանջներն իջան մինչև «Ճանաչեք 5 շրջանները», իսկ հիմա էլ քննարկում են 30-օրյա զինադադարի և ընդհանուր չկրակելու հարցը:
Ռուսաստանի համար կարող էր ավելի վատ լիներ, բայց դե Թրամփն էլ է շտապում. Գազայի հատվածում պատերազմը թեժանում է, հութիները Եմենում իրենց վատ են պահում, Իրանն էլ համառում է, իսկ չէ՞ որ հեռանկարում դեռ Չինաստանը կա: Իր հերթին, սակայն, Մոսկվային պետք է շունչը տեղը բերել, շատ է պետք»: