«Թիրախում մարզային ԲԿ-ների տնօրենների պաշտոններն են». Ծաղիկ Վարդանյան

1874

Հինգշաբթի, 20 մարտի, 2025 թ., 16:24

«Առողջության իրավունք» ՀԿ համահիմնադիր Ծաղիկ Վարդանյանի ֆեյսբուքյան գրառումը. «Առողջապահության նախարարությունը ճապոնական ձայբացուի վերածելու առաջին քայլերը

Ինչպես սպասվում էր մարզային բժշկական կենտրոնները առողջապահության նախարարության տիրույթ բերելու առաջին քայլը սկսեց մարզային տնօրեններին ծանուցումներից: Թիրախում տնօրենների պաշտոններն են: Մեզ մոտ ապագայում իրական քաստինգ-մոնիտորինգ շոու է սպասվում՝ հետաքրքիր դրվագներով:
Դեռ բժշկական կազմակերպությունների կանոնադրությունները վերջնական չեն փոխվել, դեռ անհասկանալի է, թե ո՞վ է զբաղվելու այս հիմնարկների կառավարմամաբ, առանձին ստորաբաժանում կամ ծառայություն լինելո՞ւ է առողջապահության նախարարությունում թե ոչ, արի ու տես առողջապահությյան նախարարությունը ամենակարևոր հարցը համարում է տնօրենների պաշտոնները:
Արդեն մարզային տնօրեններին ծանուցել են ՀՀ Աշխատանքային օրենսգրքի 105 հոդվածի հիմքով՝ աշխատանքի էական պայմանները փոփոխության վերաբերյալ, բայց, ուշադրությո՛ւն, ծանուցման մեջ վկայակոչել են նաև Հոդված 115՝ աշխատանքային պայմանագրի լուծման մասին ծանուցումը:
Ծանուցումը շատ զգույշ են ձևակերպել, առերևույթ ոչ ուղիղ ակնարկով տեղեկացրել են պայմանագրերի լուծման մասին:
Դե իհարկե, աղմուկից խուսափելու համար հիմա բոլոր տնօրեններին կհավաստիացնեն, որ կմնան իրենց տեղերում, իսկ թե ինչ կլինի, կապրենք, կտեսնենք:
Ճապոնական Ձայբացուի վերածվող առողջապահության նախարարությունը, կարծում եմ, հաջորդ էտապում մարզպետներից կվերցնի գյուղական ամբուլատորիաները:
Նիկոլ Փաշինյան պետական բյուջեից ինչքա՞ն հավելյալ գումար է պահանջվելու այս «կենտրոնացումը» սպասարկելու համար»:

Աղբյուրը` Ծաղիկ Վարդանյան