Քաղաքացիները հավաքվում են Քննչական կոմիտեի դիմաց՝ հաջակցություն Տիգրան Ուլուբաբյանի. ՈՒՂԻՂ ՄԻԱՑՈՒՄ

Այսօր քաղաքացիները կրկին հավաքվում են Քննչական կոմիտեի դիմաց՝ հաջակցություն ոստիկանների կողմից բռնության ենթարկված արցախցի Տիգրան Ուլուբաբյանի: Քաղաքացիները երեկ էլ էին Քննչականի դիմաց՝ պահանջելով պատժել արցախցի երիտասարդին խոշտանգած ոստիկաններին:

Այսօր Ուլուբաբյանի փաստաբան Ռոման Երիցյանը հայտնել էր, որ մինչև հիմա չի պարզվել Տիգրան Ուլուբաբյանին խոշտանգման ենթարկած ոստիկանների ինքնությունը:

Հիշեցնենք՝ օրերս բարեկամի տան վրա ավազակային հարձակումից հետո Տիգրան Ուլուբաբյանին Քննչական կոմիտե, այնուհետև նաև Ոստիկանության Լոռու մարզային վարչություն են կանչել, հարցաքննել՝ մեղադրելով նրան, թե կապ ունի ենթադրյալ հանցագործների հետ:

Տիգրանի հավաստմամբ՝ ոստիկանության Լոռու մարզային վարչությունում իր նկատմամբ բռնություն են կիրառել, հայհոյանքներով ու անհարգալից վերաբերմունքով ստիպել խոստովանական ցուցմունք տալ: