«Էմմա Պալյանի ամուսնու մեքենան Մարտուն Գրիգորյանի շտաբի մոտ հերթապահություն է իրականացնում»․ ԶԼՄ

ԱԺ «Քաղաքացիական պայմանագիր» խմբակցության պատգամավոր Էմմա Պալյանի ամուսնու մեքենան Մարտուն Գրիգորյանի շտաբի մոտ հերթապահություն է իրականացնում։ Այս մասին գրում է MediaHub-ը։ Լրատվականի ֆիքսած կադրում նրա ամուսնու՝ Ալբերտ Մարտիրոսյանի (Գյումրիում ավելի շատ Աբուլ անունով է հայտնի) մեքենան տևական ժամանակ կանգնած է Գրիգորյանի շտաբի մոտ։
Հիշեցնենք, որ վաղ առավոտից իրավապահները խուզարկություն են իրականացրել «Մեր քաղաքը» դաշինքի քաղաքապետի թեկնածու Մարտուն Գրիգորյանի շտաբերում և տանը։ Ձերբակալվել են նրա հայրը և որդին։

Տարբեր արձանագրումներ կան, որ վերջին օրերին Գյումրու ընտրություններին մասնակցող քաղաքական ֆավորիտ ուժերի առաջին համարների նկատմամբ քրեական հետապնդումներ են սկսվել։