Ֆիլիպ Կիրկորովը պարծեցել է իր` իբրև թե հատուկ թողարկված «Rolex»-ով և հայտնվել սկանդալի կենտրոնում

14738

Երկուշաբթի, 07 ապրիլի, 2025 թ., 23:07

Ռուս հայտնի երգիչ Ֆիլիպ Կիրկորովն, ով բացահայտ աջակցում է Ուկրաինայում Ռուսաստանի սանձազերծած պատերազմին, պարծեցել է իր ժամացույցով, որն իբրև թե հատուկ համագործակցային սկզբունքով թողարկել է «Rolex»-ը՝ «նվիրված Հայրենական պատերազմում Մեծ հաղթանակի օրվան»:
Дождь-ը, սակայն, Rolex-ի պաշտոնական կայքում չի գտել նշված ժամացույցը, ինչպես նաև չի գտել մայիսի 9-ի հետ կապված համագործակցության մասին որևէ նշում և հարցում է ուղարկել ընկերությանը՝ խնդրելով մեկնաբանել իրավիճակը:
Միաժամանակ, նշված ժամացույցները ներկայացված են XLAB Watches անհայտ նախագծի կայքում, որն իրեն անվանում է «Լոնդոնի սրտում գտնվող հեղինակավոր ատելյե»։ Կայքում ասվում է, որ ընկերությունը զբաղվում է ժամացույցների ձևափոխմամբ՝ հատուկ հաճախորդների պատվերներով:
Նախագծի կայքը, ինչպես պարզել է լրատվականը, կապված է մի դոմեյնի հետ, որը գրացվել է 2024 թվականի ապրիլին ռուսական Reg.ru ընկերության կողմից: