«Հիմա էլ բժշկական կենտրոններին են զրկում պետական պատվերից»․ Ծաղիկ Վարդանյան

«Առողջության իրավունք» ՀԿ համահիմնադիր Ծաղիկ Վարդանյանի ֆեյսբուքյան գրառումը․ «Հիմա էլ բժշկական կենտրոններին են զրկում պետական պատվերից:
Պետական պատվերով բուժօգնություն ստանալու համար առողջապահության նախարարությունը բժշկական կենտրոնների թույլտվությունները դեռ նոր է տալիս:
Վարչապետի բարձրաձայնած միտքը, որ պետական պատվերի գումարները գնում են բուժառուի հետևից, իրականության մեջ կերպարանափոխվել է և շրջադարձային հակառակ ձևով է կիրառվում:
Տարիներով պետական պատվեր մատուցած բժշկական կենտրոններին մի շարք ծառայություններ մերժում են՝ պատճառաբանելով, թե մոտ տեղակայված այլ բժշկական կենտրոնում արդեն այդ ծառայությունը պետպատվերով է:
Ուղղորդումը «պոզով պոչով չի», հենց այսպես է լինում:
Իսկ երբ Ուիգմորին առանց աշխատանքային փորձի միանգամից պետական պատվեր էին տալիս և 600 մլն գումար, շրջապատում մանական ծառայություն մատուցող բժշկական կենտրոն չկա՞ր:
ՀՀ առողջապահության նախարարություն առաջին անգամ պետական պատվերի համար դիմած բժշկական կենտրոններին ինչո՞ւ եք համատարած մերժում:
Ստացվում է, որ օֆերտայի պայմանագրի շրջանակներում բուժառուն պարտադրված է ձեր որոշած բժշկական կենտրոններում բուժօգնություն ստանալ:
Նիկոլ Փաշինյան, փաստորեն պետպատվերը բժշկական կենտրոնին կապելու պրակտիկան չի վերացել՝ առողջապահության նախարարությունն է որոշում, ով որտեղ բուժվի և երբ:
Հ.Գ. Ամեն հաջորդ փոփոխություն առողջապահական համակարգը դարձնում է ավելի քարանձավային, պեդանտ, մենաշնորհային»։