«Ադրբեջանն աշխարհի ամենակառուցողական երկիրը չէ»․ Ռուբեն Ռուբինյան

«Նոր բան չտեսա»,- լրագրողների հետ զրույցում ասաց ԱԺ փոխնախագահ Ռուբեն Ռուբինյանը՝ անդրադառնալով Անթալիայում ՀՀ և Ադրբեջանի ԱԳ նախարարների հանդիպման ժամանակ քննարկված թեմաներին։ Խոսելով հայ-թուրքական հարաբերությունների և Սերդար Քըլըչի հետ հանդիպման մասին՝ Ռուբինյանը նշեց․ «Քննարկել ենք հարաբերությունների կարգավորման գործընթացն՝ իր ամբողջ սպեկտրով։ Այս ընթացքում ձեռք բերված պայմանավորվածությունների իրագործումն ենք քննարկել․․․ Մարգարայի անցակետի բացման վերաբերյալ նորություն չկա»: «ՀՀ-ն պնդում է, որ պատրաստ է հենց վաղն ունենալ լիովին կարգավորված հարաբերություններ Թուրքիայի հետ՝ առանց որևէ նախապայմանի։ ՀՀ-ն պատրաստ է նաև հենց վաղը ստորագրել խաղաղության համաձայնագիրը Ադրբեջանի հետ։ Կարիք չկա ասելու, որ Ադրբեջանը աշխարհի ամենակառուցողական երկիրը չէ։ Մեր դիրքորոշումն ասացի, մնացածը Ադրբեջանի դաշտում է»։