«ՀՀ-ի հետ ռազմավարական հարաբերությունների վերաբերյալ փաստաթուղթն անհրաժեշտություն է»․ Ռավանչի

Իրանն ու Հայաստանը ցուցադրել են վճռականություն՝ զարգացնելու հարաբերությունները տարբեր ոլորտներում։ Այս մասին Regionmonitor-ին տված հարցազրույցում ասել է Իրանի ԱԳ նախարարի առաջին տեղակալ Մաջիդ Թախտե Ռավանչին:

«Մենք պետք է կենտրոնացնենք մեր ջանքերը ռազմավարական հարաբերությունների վերաբերյալ փաստաթղթի ստորագրման ուղղությամբ, և կարծում եմ, որ կա նման միտում, երկու կողմերն էլ հետաքրքրություն են ցուցաբերել այս փաստաթղթի ուղղությամբ առաջ շարժվելու հարցում։ Պետք է աշխատենք լավ փաստաթուղթ ունենալու ուղղությամբ, որը կարող է ավելի լավ հիմք հանդիսանալ երկու կողմերի միջև ռազմավարական հարաբերությունների համար»,- ասել է Ռավանչին: