«Գժերի եփած մուրաբա՝ Հայաստանի հպարտ քաղաքացիների համար». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Գժերի եփած մուրաբա՝ Հայաստանի հպարտ քաղաքացիների համար
ԱԺ առաջիկա լիագումար նիստում կքննարկվի տրանսպորտի ուղեվարձը չվճարելու դեպքում վարչական տույժ սահմանելու վերաբերյալ օրինագիծը։ Առաջարկվում է ներհամայնքային կանոնավոր ուղևորափոխադրումների կազմակերպման համար վճարները սահմանել որպես տեղական վճար։ Այ քեզ բան։ Ուղևորները պարտավոր են տրանսպորտային միջոց նստելուց անմիջապես հետո, բայց ոչ ուշ քան մեկ րոպեի ընթացքում վճարել սարքի միջոցով։ Ո՞վ է այս ապուշությունը առաջարկել, Երևանում պիկ ժամերին գերբեռնված ավտոբուսներում հնարավոր չէ նստել, կանգնած, ուղևորներով խիստ սեղմված վիճակում ՝ մեկ րոպեում մեկ ոտքիդ տեղը չես կարող փոխել, ուր մնաց մոտենաս ուղեվարձի վճարումն արձանագրող սարքին։ Ինչպես օղորմածիկ հարևանս կասեր՝ գժերի եփած մուրաբա է, այն Հայաստանի հպարտ քաղաքացիների համար եփածները ծառայողական մեքենաներով, թանկ ավտոներով են շրջում, ոչ թե հասարակական տրանսպորտով»: