«Դուք առհասարակ չեք տիրապետում իրավիճակին». Էդգար Ղազարյան

«Վերջին ամիսներին բենզինի շուկայում հայտնվել է ադրբեջանական SOCAR նավթագազային ընկերությունը, որը միջնորդ կազմակերպությունների միջոցով դարձել է ՀՀ-ում բենզինի ու դիզվառելիքի մատակարար: Այդ եղանակով այն այս պահին ի՞նչ դիրք ունի՝ ՀՀ նավթամթերքի շուկայում»,- դիմելով Մրցակցության և սպառողների շահերի պաշտպանության հանձնաժողովի անդամի թեկնածու Շուշան Սարգսյանին՝ հարցրեց «Ուժեղ Հայաստան»-ի պատգամավոր Էդգար Ղազարյանը: Սարգսյանը նշեց, որ իրեն հայտնի չէ ադրբեջանական SOCAR-ի կողմից բենզինի ներմուծման դեպք ուղիղ ՀՀ շուկա, և որ իր տեղեկություններով այս պահին այդ երկրից ներմուծումներ չկան: Ղազարյանն արձագանքեց. «Երեք հարցերի վերաբերյալ ձեր պատասխանից հասկացա, որ առհասարակ չեք տիրապետում իրավիճակին... Ասում եք՝ SOCAR-ը շուկայի դերակատար չէ. Ադրբեջանում նավթ, գազ արտադրող, վերամշակող միակ ընկերությունը SOCAR-ն է ու եթե ՀՀ իշխանությունը հայտարարում է, որ Ադրբեջանից բենզին ու դիզվառելիք է ներմուծում, ուրիշ սուբյեկտ ընդեղ գոյություն չունի, ո՞նց SOCAR-ը չի մասնակցում: Ասում եմ չէ՞՝ միջնորդավորված ընկերությունների միջոցով»: