«Չինարիում ամուսինները շմոլ գազի՞ց են մահացել»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Չինարիում ամուսինները շմոլ գազի՞ց են մահացել
Ապրիլի 14-ին, ժամը 9։47-ին ոստիկանության Տավուշի մարզի օպերատիվ կառավարման կենտրոն «Այգեձոր» բժշկական կենտրոնից ահազանգ է ստացվել, որ Չինարի գյուղի 55-ամյա և 49-ամյա բնակիչ ամուսինները տանը հանկարծամահ են եղել։ Այդ մասին հայտնել էին ՆԳՆ–ից։ Համայնքային ոստիկանության Տավուշի բաժնից օպերատիվ խումբ է մեկնել:
Նախնական տվյալներով՝ ամուսնինները մահացել են խոհանոցում եղած մարինացված վարունգից;
Դեպքի առթիվ նախաձեռնվել է քրեական վարույթ՝ ՀՀ Քրեական օրենսգրքի 155-րդ հոդվածի 1-ին մասի՝ սպանության հատկանիշներով: Նշանակվել են դիակների դատաբժշկական փորձաքննություններ։
Զրույցներ եմ ունեցել համայնքի բնակիչների, դեպքի վայր մեկնած բժիշկների հետ։ Շրջանառվում է նաև այն վարկածը, որ ամուսիները մահացել են երկհարկանի տան առաջին հարկում ծխատար խողովակի տեղաշարժվելու պատճառով, որի հետևանքով շմոլ գազը բարձրացել է երկրորդ հարկ, որտեղ քեֆից վերադարձած ամուսինները քնած ժամանակ մահացել են։ Խոսակցություններ կան նաև, որ տան տատը օգտագործել է տան ջեռուցման համակարգում եղած ամբողջ ջուրը, համակարգը պարապուրդ է աշխատել։ Բժիշկներն ասում են, որ մարինացված վարունգը կարող էր ամուսինների արագ մահվանը հանգեցնել, եթե դրանում կուտակված թույնը մեծ քանակությամբ լիներ։ Համայնքի բնակիչներից ոմանք կասկածում են, որ ամուսինները շմոլ գազից են մահացել, քանզի մահացածների մարմինների մաշկը սևացած չի եղել։ Ամուսինների մահվան պատճառը պարզ կլինի նրանց դիակներից վերցած նմուշների լաբորատոր հետազոտությունների արդյունքներով։
Սահմանամերձ Չինարիի բնակիչները դեպքից մեծ ցավ են ապրում, քանզի կյանքից հեռացել են լավ, բարի մարդիկ։ Ամուսինը վարորդ էր, նոր էր աշխատանքի ընդունվել, կինը տնային տնտեսուհի էր»։