«Բոլոր ապաշնորհ իշխանությունները ցանկացած իրավիճակից ունեն մի ելք՝ գտնել թշնամի»․ Լևոն Զուրաբյան

Օրեր առաջ ԱԺ-ում ելույթի ժամանակ ՀՀ վարչապետ Նիկոլ Փաշինյանը հայտարարել էր, որ Ղարաբաղյան շարժումը շարունակելու ցանկացած փորձ կործանարար է։

ՀԱԿ փոխնախագահ Լևոն Զուրաբյանը 24TV-ի եթերում անդրադառնալով վերոնշյալ հայտարարությանը, ասել է․ «Բոլոր անընդունակ, ապաշնորհ իշխանություններն ունեն մի պարզ ելք ցանկացած իրավիճակից, այն է՝ գտնել թշնամի։ Շատ երկար ժամանակ Ադրբեջանը եղել է հիմնավորված թշնամի, բայց հիմա, երբ Փաշինյանն իր դավաճանության, անօգնականության, կառավարման արվեստին չտիրապետելու պատճառով ձախողումներ ա բերել մեր գլխին, էդ ձախողումների գլխավոր հետանքն էլ այն է, որ այլևս չի կարող Ադրբեջանին թշնամի համարել, որովհետև գլխին տվել ա ու էլի կտա, հետևաբար պետք է ընտրի նոր թշնամի, իսկ դա ո՞վ պետք է լինի՝ կա՛մ ռուսները, կա՛մ նախկինները»։