«Իրական հեղափոխությունը դեռ առջևում է». Սոնա Աղեկյան

«Մայր Հայաստան» դաշինքի անդամ Սոնա Աղեկյանի ֆեյսբուքյան գրառումը. «ՀՀ վարչապետ աշխատող անձի այսօրվա ուղերձը նորից քարոզչական շղարշ է՝ ծածկելու իրականությունը։ Այսօր Հայաստանում քաղաքացին ազատ չէ. ազատության փոխարեն կան քաղբանտարկյալներ, խոսքի ազատության վրա ճնշում, բռնի զիջված տարածքներ ու կործանվող պետականություն։
Արժեք չունի խոսել բարեկեցության մասին, երբ երկիրը դատարկվում է, աղքատությունը խորանում, և ազգային շահը ամեն օր մատնվում է դավաճանության։
2018-ին խոստացվածը վերածվել է պարտության շարանի։ Քաղաքացու տեր լինելը չի նշանակում կույր հավատարմություն իշխանության կեղծ, հակահայ ու թրքամետ օրակարգին։
Իսկ իրական հեղափոխությունը դեռ առջևում է՝ հայ քաղաքացին, հայ մարդը վերականգնելու է իր արժանապատվությունն ու պետությունը»: