«Սամվել Սահակյանի մահվան հանգամանքները մինչ օրս հայտնի չեն, մեղավորները պատժված չեն»․ Գառնիկ Դանիելյան

«Սամվել Սահակյանի մահվան հանգամանքները մինչ օրս հայտնի չեն, հանգամանքները լիարժեք ուսումնասիրված չեն, քննություն է ընթանում․ մեղավորները մինչ օրս պատժված չեն»,- «24Նյուզ»-ի եթերում ասել է ԱԺ նախկին պատգամավոր Գառնիկ Դանիելյանը, ով փոխգնդապետ Սամվել Սահակյանի մահվան տարելիցին այցելել էր Եռաբլուր։ «Ինձ մոտ արդեն տարակուսանք է առաջանում՝ ի՞նչն է պատճառը, որ այսքան տարի անց չեն կարողանում հանգամանքները վերջնական պարզել։ Սամվել Սահակյանի հայրը փորձել է ծանոթանալ գործի նյութերին, և ուսումնասիրելով նյութերը, հարազատներն ու իրավաբանները եկել են այն եզրակացության, որ Սամվելը թշմանու գնդակից չի զոհվել։ Սա ավելի մեծ ցավ ու տառապանք է պատճառում ծնողներին, թե ինչի՞ համար, ո՞վ է շահագրգռված եղել, ի՞նչ հանգամանքներում է տեղի ունեցել։ Սա պետք է լուրջ քննության առարկա դառնա»,- նշել է Դանիելյանը։

Նշենք, որ Սամվել Սահակյանը Արցախի Ջրականի 5-րդ գումարտակի հրամանատարն էր։ Հոր խոսքերով՝ որդուն հետևից են կրակել։