«Նիկոլ Փաշինյանի սրտի դատավորն էիք․ չեք զղջո՞ւմ»․ լրագրողը՝ Արտուշ Գաբրիելյանին

Բարձրագույն դատական խորհուրդը քննում է Երևանի քրեական դատարանի դատավոր Արտուշ Գաբրիելյանի նկատմամբ քրեական հետապնդում հարուցելու թույլտվության հարցը:
Արտուշ Գաբրիելյանը հրաժարվեց պատասխանել լրագրողների հարցերին, սական իրավապաշտպան Ալեքսանդր Կոչուբաևը հայտնեց, որ բացի դատավորի նկատմամբ քրեական հետապնդում հարուցելու միջնորդությունից, ներկայացվել է նաև Գաբրիելյանին ազատությունից զրկելու թույլտվություն ստանալու միջնորդություն:

«Նիկոլ Փաշինյանի սրտի դատավորն էիք, այնքան մարդու տարաք կալանքի, հիմա նույն վիճակում եք, չեք զղջո՞ւմ։ ասում են՝ կաշառք եք վերցրել»,- Արտուշ Գաբրիելյանին դիմելով՝ ասացին լրագրողները։
«Թող ավարտվի, հետո կասեմ, մի ջղայնացրեք»,- կարճ պատասխանեց դատավորը։

Հիշեցնենք՝ քրգործը վերաբերում է կաշառք ստանալուն: