Մամուլի ազատության ինդեքսում Հայաստանն առաջադիմել է

«Լրագրողներ առանց սահմանների» (RSF) կազմակերպությունը հրապարակել է մամուլի ազատության համաշխարհային ինդեքսը 2025 թվականի համար, որում Հայաստանը բարելավել է նախորդ տարվա ցուցանիշը 9 հորիզոնականով:

180 երկրների շարքում Հայաստանը զբաղեցրել է 34-րդ տեղը: 2024 թվականին Հայաստանը զբաղեցրել էր 43-րդ տեղը՝ 71,6 միավորով, իսկ 2023 թվականին՝ 49-րդ տեղը՝ 70,61 միավորով:

Հայաստանը տարածաշրջանում առաջատար է մամուլի ազատության առումով:

Վրաստանը նախորդ տարվա համեմատ նահանջել է 11 հորիզոնականով և զբաղեցնում է 114-րդ տեղը, Ադրբեջանը՝ 167-րդ, Թուրքիան՝ 159-րդ, Իրանը՝ 176-րդ, Ռուսաստանը նախորդ տարվա համեմատ նահանջել է 9 հորիզոնականով և այժմ զբաղեցնում է 171-րդ տեղը: