«Զինվորների շրջանում ինչքան մեծանա վակուումը, այնքան ավելի վատ հետևանքներ են առաջանալու». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Մինչև շարքային զինվոր չլինես, երբեք գեներալի չես կարող հասնել։ Սա մի փիլիսոփայական ուղղություն է, որը հուշում է, որ մարդը պետք է անցնի զինվորական ծառայության բոլոր հոգեբանական փոփոխությունները, որպեսզի նա կարողանա դառնալ արդյունավետ հրամանատար, ներքին հարաբերությունների գիտակ։ Մարդ, ով ապրել է ինչպես զինվորական ծառայության ստորին դժվարությունները, այլև կանոնադրական ու ոչ կանոնադրական հարաբերությունները։
Բանակի մասին դատողությունները զինվորների միջև հարաբերությունների դիտանկյունից երբեք իրական լուծում չի բերելու, ընդհակառակը՝ զինվորների շրջանում ինչքան մեծանա վակուումը, այնքան ավելի վատ հետևանքներ են առաջանալու։
Իսկ լուծումը սկսվում է բանակի ամենավերևի էշելոնից, այն փիլիսոփայությունից ու իդեալներից, որոնք հրամցվում են 18+ տարեկան զինվորին, սպային։ Առանց այդ իդեալների, ծառայությունը դառնում է «Солдат спит, служба идёт», իսկ դա դառնում է «պայքար լավ ապրելու համար»:
Ո՛չ մի լուծում, ո՛չ մի առաջարկ իմաստ չունեն, եթե դրանք համալիր չեն։ Մի առիթով ասել եմ՝ այս որակի իշխանության պարագայում մենք նույնիսկ միջուկային զենք ունենալու պարագայում էինք դատապարտված...»: