«Սա հրկիզված ժողովրդավարություն է»․ Սամվել Հակոբյան

Երևանի ավագանու «Մայր Հայաստան» խմբակցության անդամ Սամվել Հակոբյանի ֆեյսբուքյան գրառումը․ «Վաղ առավոտյան հրկիզել են մեր թիմակից Գևորգ Ստեփանյանի կնոջ մեքենան։ Ցավոք, սա նորմալ է՝ հաշվի առնելով այն ամենը, ինչ տեղի է ունենում մեր շուրջը։ Երբ հանցագործությունները մնում են անպատիժ, երբ օրենքը գործում է միայն մի կողմի՝ իշխանության սրտի ուզածի համար, հանցագործությունները կրկնվում են՝ մեկը մյուսի հետևից։ Սա անպատժելիության մթնոլորտ է, որը ծնելու է նորանոր հանցագործություններ։
Պատմությունը բազմիցս ցույց է տվել՝ ամենասարսափելի, ամենահանցավոր ու անմարդկային ժամանակները գալիս են, երբ երկիրը ղեկավարվում է ամենաթույլ և ամենաէժան մարդկանց կողմից։ Վախկոտ ու փոքրոգի ղեկավարները ամենահեշտն են վերածվում դաժան ու հանցագործ բռնապետերի։
Ես չեմ զարմանա, եթե հանցագործը բացահայտվի, բայց նրա միակ պատիժը լինի գործավարականի ժամանակ ցուցադրական «նո՛, նո՛, նո՛»-ն։
Սա պարզապես հրկիզված մեքենա չէ։ Սա հրկիզված ժողովրդավարություն է, սելեկտիվ արդարադատության արդյունք»։