«Սոդոմ-գոմոր է՝ պետությունը պլանավորում է, թե որքան է քերելու քաղաքացու «կաշվից»»․ Հրայր Կամենդատյան

Տնտեսագետ Հրայր Կամենդատյանի ֆեյսբուքյան գրառումը․ «էն որ հրապարակում ծղրտում էին, որ քաղաքացին տուգանքի մատերիալ չէ, հիշո՞ւմ եք, չէ՞։ Հիմա մեր քաղաքացիներին ներկայացնում եմ 2025 թվականի առաջին եռամսյակում պետական բյուջեի եկամուտների մի շատ հետաքրքիր և ուսանելի աղյուսակ, որը վկայում է, որ պետական բյուջեի եկամուտների պլանային առաջադրանքները կատարվել են տուգանքերի միջոցով: Որպեսզի մեզ ոչ ազնիվ հեղափոխական մարգարեները չմեղադրեն «բառադի» խոսելու մեջ, խնդրում ենք ուշադրություն դարձնել աղյուսակի երկրորդ տողին, որտեղ պարզվում է, որ իրավախախտումների պատժամիջոցներից ստացված եկամուտների փաստացի կատարողականը 122 տոկոսով գերազանցել է պլանային առաջադրանքը եվ կազմել 6 մլրդ 497 մլն դրամ ՝ հինգ մլրդ 316 մլն դրամի փոխարեն:
Ահա այն ամենը, ինչ թաքնված է տուգանքի մատերիալ բնորոշման տակ: Ուսումնասիրված աղյուսակը վկայում է, որ կարծես թէ կա իրավախախտումների պատժամիջոցների մուտքերի ՊԼԱՆԱՎՈՐՈՒՄ նաև: Այ սա արդեն սյուրռեալիստական մի սոդոմ-գոմոր է, երբ հարազատ պետությունը պլանավորում է, թե որքան է քերելու քաղաքացու «կաշվից»:
ՔՊ-ն պետք է արմատախիլ արվի»: