«Ինչպե՞ս պիտի ՌԴ դեսպանատունն ինչ-որ կերպ ինչ-որ բան կազմակերպեր Երևանի որևէ թաղապետարանում». Զախարովա

ՌԴ ԱԳՆ պաշտոնական ներկայացուցիչ Մարիա Զախարովան իր ավանդական մամլո ասուլիսի ընթացքում պատասխանեց հարցին, որը վերաբերում էր այն մեղադրանքներին, թե Նոր Նորքի թաղապետարանում ակտիվիստ Արթուր Չախոյանի ծեծը կազմակերպել է ՌԴ դեսպանատունը:
«Ինչպե՞ս պիտի ՌԴ դեսպանատունն ինչ-որ կերպ ինչ-որ բան կազմակերպեր Երևանի որևէ թաղապետարանում»,- տարակուսեց Զախարովան՝ չթաքցնելով ծիծաղը: Նա հայտնեց իր կարծիքը, որ այդ թեման մեջբերողները նպատակ ունեն այդպիսի մանիպուլյացիաներով լուծել ներքին խնդիրները: