«Միլիարդներ են ծախսել, բայց Երևանում փոսերը շարունակում են խրամատների նմանվել»․ Գրիգոր Իսկանդարյան

Երևանի ավագանու «Մայր Հայաստան» խմբակցության անդամ Գրիգոր Իսկանդարյանը ֆեյսբուքյան իր էջում տեսանյութեր է հրապարակել՝ կից գրելով․ «Տիգրան Ավինյանի և քաղաքապետարանի ապիկար կառավարման մասին։
Տիգրան Ավինյանն ասում է, թե ցույց տվեք մի փոս, որը առաջացել է անցած տարվա կատարված աշխատանքներից։
Լեռ Կամսար փողոցն է, որտեղ 2024թ. հունիսից մինչև հոկտեմբեր երեք անգամ ասֆալտապատման աշխատանքներ են կատարվել։ Մի քանի անգամ հարցում եմ կատարել, թե ինչքան գումար են ծախսել, այդպես էլ պատասխան չկա։
3 մլրդ ավել ծախսել եք ասֆալտապատման վրա, բայց Երևանում շարունակում է փոսերը նմանվել խրամատների։ Ու այսպիսի օրինակներ շատ կան»։