Սև ծուխ. կարդինալները չկարողացան առաջին փուլում նոր պապ ընտրել
![]() 357 Երեկ, 23:53 Վատիկանի կոնկլավի կարդինալները չկարողացան նոր պապ ընտրել մայիսի 7-ին կայացած քվեարկության առաջին փուլում: Դրա մասին է վկայում Սիքստինյան կապելլայի տանիքին տեղադրված խողովակից դուրս եկող սև ծուխը, հաղորդում է Sky News-ը: Քվեարկությունը տևեց ավելի քան երեք ժամ։ Երբ պապ է ընտրվում, մատուռի ծխնելույզից պետք է սպիտակ ծուխ դուրս գա։ Վատիկանում քվեարկությանը մասնակցել է 133 կարդինալ։ Նոր Հռոմի պապ ընտրելու համար մասնակիցների երկու երրորդից ավելին, այսինքն՝ առնվազն 89 մարդ, պետք է քվեարկի մեկ թեկնածուի օգտին։ Քվեարկության երկրորդ փուլը նախատեսված է մայիսի 8-ի առավոտյան, որը կսկսվի տեղական ժամանակով մոտավորապես ժամը 10:30-ին (Երևանի ժամանակով ժամը 12:30-ին): Vatican News-ի փոխանցմամբ, կոնկլավի առաջին օրը Սուրբ Պետրոսի հրապարակում հավաքվել է ավելի քան 45.000 մարդ։ Կոնկլավի առաջին օրը տեղի է ունենում քվեարկության միայն մեկ փուլ։ Հետագա փուլերը տեղի կունենան այլ օրերին։ Կոնկլավի առաջին չորս օրերի ընթացքում օրական կարող է անցկացվել մինչև չորս քվեարկություն։ Ընդհանուր առմամբ, նոր Հռոմի պապի ընտրության ընթացակարգը ներառում է մինչև 33 քվեարկության փուլ։ Եթե 33 փուլի ընթացքում ոչ մի թեկնածու չապահովի կարդինալների երկու երրորդի աջակցությունը, կընտրվեն վերջին փուլում առաջատար երկու թեկնածուները։ Այս դեպքում հաղթանակի համար անհրաժեշտ կլինի ձայների պարզ մեծամասնությունը։ |
Հինգերորդ օրն է՝ շարունակվում են փոքրիկ Տիգրանի որոնողական աշխատանքները (տեսանյութ)
514:42Նոր պապ կրկին չի ընտրվել (տեսանյութ)
8114:22«Քաղաքական պատասխանատվություն վերցնելու համարձակություն է պետք»․ Ալեն Սիմոնյան (տեսանյութ)
11912:54«Մարդը գնա ոստիկանություն, ասեն՝ բոյդ կարճ է, գնա դպրոց, ասեն՝ բոյդ կարճ է, բա ո՞ւր գնա»․ Նիկոլ Փաշինյան (տեսանյութ)
19412:36«Հեղափոխություն անելն ամենահեշտն է, փոփոխություն անելն է դժվար»․ Նիկոլ Փաշինյան
12912:24«Ամբողջ գործընթացը եղել է միտումնավոր կազմակերպած»․ Արթուր Չախոյան (տեսանյութ)
15012:12Սարատակ համայնքի նախկին ղեկավարը մեղադրվում է պաշտոնեական կեղծիք կատարելու մեջ
10712:06«Երևանը Վահագն Ալեքսանյանի արցունքներին չի հավատում»․ Հովհաննես Իշխանյան
15611:48