«Փաստարկված խոսք` ու Նիկոլին ոչինչ չի մնում, քան հիստերիկանալ». Հրանտ Մելիք-Շահնազարյան

Քաղաքագետ Հրանտ Մելիք-Շահնազարյանը գրում է․

«Մեր բարբառում լավ արտահայտություն կա, ասում են՝ քոռ դանակով ***թում ա։ Տանջելուն են այդպես ասում, նաև հաճախ՝ ծաղրելուն։ Հիմա նայում եմ ԱԺ հարցուպատասխանը և արդեն որերորդ անգամ նույն մտքին գալիս՝ Աննա Գրիգորյանն ու Քրիստինե Վարդանյանը քոռ դանակով մորթում են Նիկոլին։ Փաստարկված խոսք՝ ու Նիկոլին ոչինչ չի մնում… քան հիստերիկանալ և գոնե այդպես կոծկել աղջիկների կողմից բացահայտվող իր իրական դեմքը։

Այո, այդ լաչառությունը ոչ այլ ինչ է, քան փախուստ Աննա Գրիգորյանից ու Քրիստինե Վարդանյանից։ Դա է դավաճանում նաև էն մանր նիկոլների՝ շեֆին պաշտպանելու խղճուկ փորձերը։ Հեռու կանգնում ու վախկոտ շան պես հաչում էին աղջիկների վրա։ Տեսած կլինեք նման շների՝ էն որ հաչում են, բայց ամեն դեպքում ուրիշ կողմ են նայում, որ եթե հանկարծ դիմացինը ինչ-որ քայլ ձեռնարկի իր դեմ, ձև անեն, իբր ուրիշի վրա էին հաչում։

Սիրելի Աննա, սիրելի Քրիստինե, շատ ապրեք։ Ասել եմ ու կրկնում եմ՝ և՛ իրական ընդդիմադիրը պետք է ձեզ նման լինի, և՛ իրական քաղաքական գործիչը, և՛ նույնիսկ (հատկապես) իրական տղամարդը։ Շնորհակալություն, որ այդպիսինն եք»։