Նիկոլ Փաշինյանը Սեյրան Օհանյանին բառացիորեն ասաց՝ «Դու նստելու ես»․ «Ժողովուրդ»
«Ժողովուրդ» օրաթերթը գրում է. «Երեկվա խորհրդարանական նիստը, որը կարող էր լինել քաղաքական առողջ բանավեճի հարթակ, վերածվեց քաղաքական հաշվեհարդարի և ցուցադրական սպառնալիքի ներկայացման։ Վարչապետ Նիկոլ Փաշինյանը, դիմելով «Հայաստան» խմբակցության ղեկավար Սեյրան Օհանյանին, բառացիորեն ասաց՝ «Դու նստելու ես»։ Սա այլևս քաղաքական պոպուլիզմ կամ հռետորական հնարք չէ։ Սա ուղիղ սպառնալիք էր՝ հնչեցված երկրի օրենսդիր բարձրագույն մարմնում, ժողովրդավարական կառույցների առջև։
Վարչապետի այս վարքագիծը հիշեցրեց դեռևս այս տարվա մարտի 13-ին «Ժողովուրդ» օրաթերթում հրապարակված հոդվածը, որտեղ նշվում էր, որ «իրավապահ համակարգում բուռն քննարկումներ են, թե ով կամ ովքեր են լինելու հաջորդ պատգամավորները, որոնց հետևից գլխավոր դատախազ Աննա Վարդապետյանը կգնա Ազգային ժողով ու կզրկի անձեռնմխելիությունից։ Իսկ որ բացի Տարոն Մարգարյանից և Հովիկ Աղազարյանից էլի օրենսդիրներ կան իրավապահ համակարգի թիրախում, մեր աղբյուրները չեն բացառում: Խոսքը «Հայաստան» խմբակցության պատգամավորներից երկուսի մասին է, որոնց անունները առայժմ չենք հրապարակում»:
Թեև անուն չէինք նշել, բայց ենթադրություններ էին շրջանառվում, որ խոսքը Սեյրան Օհանյանի մասին է՝ պաշտպանության նախկին նախարար, այժմ ընդդիմադիր խմբակցության ղեկավար։
Փաշինյանը երեկ կարծես հաստատեց մեր աղբյուրներից եկած լուրերը՝ իր հայտարարությամբ դատավճիռ կարդալով այն անձի հանդեպ, ում մեղադրանքը դեռ դատարանում անգամ չի քննարկվել։
Վարչապետ Փաշինյանի խոսքը ոչ միայն խաթարում է անաչառ արդարադատության գաղափարը, այլ նաև իր մեջ պարունակում է քաղաքական հետապնդման հստակ նշաններ։ Երբ երկրի ղեկավարը, ով պետք է լինի օրենքի գերակայության առաջին պահապանը, իրեն պահում է որպես մեղադրող, դատավոր և արդարադատության իրականացման գործիք, դատական իշխանության անկախության մասին խոսելն իսկ անիմաստ է դառնում։
Բացի այդ, սրանից ոչ պակաս մտահոգիչ է վարչապետի տոնն ու լեզուն՝ ագրեսիվ, վիրավորական և պետական պաշտոնյային ոչ պատշաճ։ «Ներվերս մի՛ կերեք, ձեզ պետքա կախաղան հանել, ձեզ պիտի սաղիդ տանեմ լցնեմ ԱԱԾ պադվալները, դու նստելու ես» ձևակերպումները առավել են խորացնում հասարակության բևեռացվածությունը»։
Մանրամասները՝ թերթի համարում:
Արարատ Միրզոյանը կմասնակցի ԵՄ անդամ պետությունների արտաքին գործերի նախարարների խորհրդի քննարկման
95Երեկ, 16:06
«Դոդը, Ռոբը, կալուգացին հացին կակա պիտի ասեն». Նիկոլ Փաշինյան
113Երեկ, 15:54
«Ընդդիմադիր ուժերի միջև ընթացել են կառուցողական քննարկումներ». Իշխան Սաղաթելյան
110Երեկ, 13:42
«ՔՊ-ն որքան հարմարավետ զգա իրեն խորհրդարանում, այնքան առավել ծանր է զգալու արտաքին օրակարգում». Հակոբ Բադալյան
105Երեկ, 12:48
«Իրանը համաձայնել է վճարներ չգանձել Հորմուզի նեղուցում». #FoxNews
111Երեկ, 10:06
«Հաջողվեց ընտրությունները ներկայացնել որպես հայաստանցիների ընտրություն՝ Արևմուտքի և ՌԴ-ի միջև». Խոսրով Հարությունյան
146Երեկ, 03:06
«Պահանջվում է ձևավորել պայքարի ունակ հետընտրական դաշինք»․ Արշակ Սադոյան
153Երեկ, 02:06
«Նիկոլը մտածելու է, որ իր թիմի ներսում դավաճաններ կան, սկսելու է փնտրել նրանց»․ Վարդան Բալյան
145Երեկ, 01:06