Տիգրանի հայրը հորդորում է՝ մինչև չճշտեք, անհիմն լուրեր չհրապարակեք

Մարմարիկում շարունակում են փնտրել 2 տարեկան Տիգրանին՝ հաշվի առնելով բոլոր վարկածները։

Տիգրանի հայրը զանգեր է ստացել, հայտնել են, իբր տեսել են որդուն, իրենց մոտ է, բոլոր դեպքերում ոստիկանների հետ ճշտել են, գնացել հասցեներով, մեկը սխալմունք է եղել, մյուս դեպքում՝ զանգահարողն ունեցել է առողջական խնդիրներ։

«Անհիմն զանգերը լրատվականները հրապարակել են․ զանգել, ասել են՝ բերելու ենք Մարմարիկի մոստի մոտ, եկեք տարեք, ձեր երեխան մեզ մոտ է։ Իմ ցավը թողած, ես պիտի ընկնեմ անհիմն հայտարարությունների հետևից․․․»,- նշում է Տիգրանի հայրը և հորդորում՝ իմ վիշտն էլ հասկացեք, ամեն լուր, մինչև չճշտեք, չհրապարակեք։