«10 հոգով մեկին ծեծողները մնան ազատության մեջ, քեզ քննադատող կնոջը գաս գիշերով տնից ձերբակալե՞ս»․ Նինա Կարապետյանց

«Հելսինկյան ասոցիացիա» իրավապաշտպան ՀԿ նախագահ Նինա Կարապետյանցը ֆեյսբուքյան էջում հրապարակել է տեսանյութ, որտեղ փաստաբան Զարուհի Փոստանջյանը մանրամասներ է ներկայացնում լրագրող Լիլիթ Աղեկյանի ձերբակալման և կալանավորելու մասին, և կից գրել է․ «Տեղս չեմ գտնում։ Նորից կիսվեմ, գուցե չտեսնելու տվողները տեսնեն .... Բա՝ 10 հոգով մեկին ծեծողները մնան ազատության մեջ, որովհետև քոնոնցից են, բայց քեզ քննադատող կնոջը գաս գիշերով տնից ձերբակալես, չթողնես, որ հագնվի, հիգիենայի պարագաներ հետը վերցնի, տենց կիսատկլոր ման տաս «բարեփոխված համակարգիդ» կառույցից կառույց, որովհետև ինչոր ռանգի չինովնիկ վիրավորված ա իրան զգո՞ւմ։
էս ո՞վ եք դուք։
Ու սրա հետ հաշտ լինող կա՞։
Ո՞վ էր կասկածում, որ սրանք գնում են դեպի դիկտատուրա»։