«Թե բա` ցանկություն չի ունեցել երկիրն այս օրվան հասցնելու». Տիգրան Վարդանյան

ՀՀԿ խորհրդի անդամ Տիգրան Վարդանյանի ֆեյսբուքյան գրառումը. «Ցավում եմ, բայց նախկին արտգործնախարար Վարդան Օսկանյանի վերջին գրառումն իմ կարծիքով Նիկոլ Փաշինյանին արդարացնող, ինչ-որ տեղ նենգ հանցանքները վրայից մաքրող գրառում է: Եվ սա ամբողջական չէր լինի, եթե ձեռքի հետ էլ չթիրախավորեր Սերժ Սարգսյանին:
Թե բա՝ 3-րդ ուժեր չկան Նիկոլի մեջքին, որովհետև ես շփումներ եմ ունեցել բոլորի հետ ու դա իրականության հետ աղերս չունի: Թե բա՝ ցանկություն չի ունեցել երկիրն այս օրվան հասցնելու:
Անզեն աչքով են նույնիսկ երևում Նիկոլի իշխանության ետևում երևացող թուրքական, բրիտանական ու ադրբեջանական ականջները: Ու շատ վատ է, որ պրոֆեսիոնալ դիվանագետ համարվողն այդպես էլ մինչ օրս չի հասկացել, թե ինչ է կատարվել Հայաստանում 2018-ին, 2020-ին, 2023-ին ու ինչ է լինելու 2026-ին:
Հ.Գ. Ուրախ եմ, որ 2008-ին ձեզ նախագահի պաշտոնում տեսնողների ցանկությունները չիրականացան»: