«Շատ դեպքերում դատախազը ոչ թե արդարության ձայնն է, այլ՝ լռության և կեղծիքի»․ Սոնա Աղեկյան

«Մայր Հայաստան» դաշինքի անդամ Սոնա Աղեկյանի ֆեյսբուքյան գրառումը․ «Դատախազության օրը՝ օրենքի պաշտպանի՞. թե՞ իշխանության գործիքը
Այսօր նշվում է Դատախազության օրը։ Սակայն ո՞նց շնորհավորել մի համակարգի տոնը, երբ այն ընկալվում է ոչ թե որպես արդարության երաշխավոր, այլ՝ որպես քաղաքական պատվերների կատարող։
Երբ ոմանք անպատիժ են մնում հանցագործությունների համար, իսկ հայրենասերները դառնում են հալածանքի թիրախ։
Դատախազությունը պիտի ծառայի օրենքին, ոչ թե օրվա իշխանությանը։ Բայց այսօր շատ դեպքերում դատախազը ոչ թե արդարության ձայնն է, այլ՝ լռության, կեղծիքի և երկակի ստանդարտների մարմնացումը։
Օրենքի անունով արդարացվող անարդարությունն ուշ թե շուտ ավարտվելու է»։