«Փաշինյանը «հով լռված» է, երբ տգեղ լուսանկարներով անվանարկում են դաշնակից երկրին». Սուրեն Սուրենյանց

Քաղաքագետ Սուրեն Սուրենյանցի թելեգրամյան գրառումը․ «Փաստորեն, Փաշինյանը համերաշխ է պսևդոարևմտամետների հետ
Ռուսաստանի արտգործնախարար Սերգեյ Լավրովի այցին ընդառաջ՝ Արման Բաբաջանյանի գլխավորած «Հանուն Հանրապետության» կուսակցությունը բողոքի ակցիա է իրականացնում: Ակտիվիստները օդանավակայանի ճանապարհին տեղադրել են «Պուտին մարդասպան» գրությամբ պաստառ:
Սույն շրջանակները մի ողբ են կապում, երբ Ցեղասպանության տարելիցի նախօրեին հայտնի քաղաքական շրջանակներին պատկանող երիտասարդներ այրում են Թուրքիայի և Ադրբեջանի դրոշները (ի դեպ, ես էլ չեմ քաջալերում այդ ակցիան՝ դա համարելով պետական տկարության դրսևորում):
Բայց մեր պսևդոարևմտամետները չեն էլ նկատում, որ իրենց այսօրվա հակառուսական ակցիան նույնքան ու ավելի տգեղ է, քան նույնիսկ թշնամական երկրների դրոշներ այրելը:
Հա, ի դեպ:
Նիկոլ Փաշինյանի սիրտը չդիմացավ ու նա անհապաղ դատապարտեց, երբ Երևանում այրվել էին թշնամական դրոշներ, բայց փաստորեն Փաշինյանը «հով լռված» է, երբ տգեղ լուսանկարներով անվանարկում են դաշնակից երկրի:
Փաստորեն, Փաշինյանը համերաշխ է պսևդոարևմտամետների հետ»: