«Շատ «մանրապճեղ» իրավիճակ է. չի կարելի Եկեղեցին հարվածի տակ դնել»․ Հրաչյա Մկրտչյան

«Եկեղեցին թիրախավորելն առաջին հերթին սազական չէ ՀՀ քաղաքացուն, Եղեղեցին մեր պատմության շարունակությունն է և մեզ ապագա տանող կարևորագույն կառույցներից է»,- այս մասին այսօր լրագրողների հետ զրույցում նշեց արվեստագետ Հրաչյա Մկրտչյանը՝ անդրադառնալով դիտարկմանը, որ վերջին օրերին իշխանությունների կողմից թիրախավորվել են Հայ Առաքելական Եկեղեցին և հոգևորականները։
Նրա դիտարկմամբ՝ այդ թիրախավորումը 2026 թվականի ընտրությունների հետ է կապված։ «Ընտրազանգվածի խնդիր կա։ Շատ «մանրապճեղ» իրավիճակ է, չի կարելի նման քայլերի գնալ, Եկեղեցուն հարվածի տակ դնել, մեղադրանքներ հնչեցնել։ Եկեղեցին մեր ինքնությունն է, եթե սա էլ դնենք հարվածի տակ՝ ինչ-որ շահերի ակնկալիքով, դա անիմաստ է, չի կարելի սեփական արմատների ու ինքնության նկատմամբ նման վերաբերմունք դրսևորել։ Ցանկացած հայ պետք է բացասաբար արձագանքի այս ամենին»։