Շենգավիթի և Էրեբունիի որոշ հասցեներում ծորակից կեղտոտ ջուր է հոսում

Երևան քաղաքի Ներքին Շենգավիթի 11-րդ փողոցում օրեր շարունակ ծորակի ջուրը կեղտոտ է՝ պիտանի չէ խմելու համար: Նշենք, որ այս տարածքում խմելու ջրի որակի հետ կապված խնդիրը ամռան ամիսներին մշտական բնույթ է կրում։
Քաղաքացիներն ահազանգում են, որ նույն պատկերն է նաև Էրեբունի վարչական շրջանի բազմաթիվ բնակիչների տներում։ Նորագավիթի բնակիչներն էլ բողոքում են, որ վատ համի պատճառով ստիպված են լինում խմելու ջուր գնել։