«Պառավաքարի ջրամբարում ձկների անկումը կապ չունի ձեռնոցի գործարանի արտանետումների հետ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը «Պառավաքարի ջրամբարում ձկների անկումը կապ չունի ձեռնոցի գործարանի հետ(լուսանկարներ)
Նախկինում հայտնել էի, որ Բերդ համայնքի սահմանամերձ Պառավաքար գյուղի ջրամբարում ձկների զանգվածային անկում է եղել, բնակիչներից ոմանք կասկած էին հայտնել, թե ձկների զանգվածային սատկելու պատճառը Պառավաքարում գործող ձեռնոցի գործարանից արտանետումներն են։ Այսօր այցելեցի Պառավաքար, Պառավաքար գյուղի վարչական ղեկավար Սարգիս Մարգարյանի հետ եղա Պառավաքարի ձեռնոցի գործարանումԼ Գործարանի մուտքի մոտ մեզ դիմավորեց, համապատասխան բացատրություններ տվեց գործարանի տնօրեն Լևոն Պապյանը; Նա ասաց,որ գործարանն աշխատում է 2020թվականից, սկզբում արտադրել է բժշկական դիմակներ, 6 ամիս անց սկսել է արտադրել բանվորական ձեռնոցներ։ Գործարանում այժմ աշխատում է 130 բանվոր, առաջիկայում նրանց թիվը կավելանա 20-30-ով, ամսվա մեջ 20 օր աշխատող բանվորների միջին աշխատավարձը 170 հազար դրամ է, մեխանիկներինը՝ 220 հազար դրամ։ Գործարանի հումքը <<ֆուռերով>> բերվում է Ուզբեկստանից, տեղում ձեռնոցները պատվում են կաուչուկով, ներկվում են։ Գործարանի տնօրենը ցույց տվեց արտադրամասերից մեկը, գործարանի արտադրական թափոնների տեղը, որը ջրամաբարից հեռու է մոտ 1,5 կմ։ Այդտեղ չոր վիճակ էր, թափոններ գրեթե չկային։ Լևոն Պապյանը բացառեց, որ ձկների սատկելը կապ ունի իրենց գործարանի թափոնների հետ; Ասվեց, որ ձկների զանգվածային անկում է եղել նաև Տավուշի մարզի Իջևան համայնքի Բերքաբեր գյուղին հարակից Ջողազի ջրամբարում։ Լ, Պապյանը ցույց տվեց թափված լատեքսի կտորները, որոնք արդեն ռեզին էին դարձել։ Մի տեղ էլ մեղուները թափոն լատեքսից մեղրամոմի համար հումք էին վերցնում, որը վկայում է , որ այդ թափոնը վտանգ չի ներկայացնում մարդկանց ու կենդանիների առողջության համար։ Լևոն Պապյանը հայտնեց, որ իրենց արտադրության մեջ օգտագործվող կաուչուկը բնական է, բերվում է Թաիլանդից»։