«Թրամփը քայլ առ քայլ փոսն է մտնում»․ Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը․ «Թրամփի ու Մասկի մեղրամիսը, ինչպես և սպասվում էր, արագ ավարտվեց։ Ինչպես և կանխատեսվում էր, որպես խելացի, բայց անլուրջ մարդիկ՝ նրանք միանգամից սկսեցին իրար կծելը։
Թրամփը խոսեց SpaceX-ի պետական ֆինանսավորման դադարեցման մասին։ Ի պատասխան՝ Մասկը սպառնաց դադարեցնել դեպի տիեզերք մարդկանց տեղափոխումը։ Իսկ այսօր Մասկը գնաց ավելի հեռու և սկսեց պահանջել Թրամփի իմպիչմենթը։ Այս խմորը դեռ շատ ջուր է քաշելու։
Թրամփը, իր փսեվդո տնտեսական գործունեությամբ և բիզնես քոնթրակթ քլոսինգի ոճով արտաքին ու ներքին քաղաքականություն վարելով, քայլ առ քայլ փոսն է մտնում։
Իսկ Մասկից լավ պրծան․ եթե նա իր «օպտիմիզացիաները» մի քիչ էլ շարունակեր, ապա ամերիկյան պետական մեքենան «հաջողությամբ» կանգնեցնելու էր։
Գիտե՞ք, թե ինչու են Թրամփն ու Մասկը այդքան ինֆանտիլ․ որովհետև բանակում չեն ծառայել։ Տղեն կյանքում պետք ա իսկական դժվարություն ու մենակություն տեսնի։ Իսկ պետական բարձր էշելոններում չծառայածների մուտքը խստիվ պետք է արգելված լինի»։