«Էրեբունի ԲԿ-ում վիրահատված ու վերակենդանացման բաժին տեղափոխված հիվանդը գտնվեց 40 րոպե անց». Կարեն Հեքիմյան

1629

Կիրակի, 08 հունիսի, 2025 թ., 19:06

Հասարակական գործիչ Կարեն Հեքիմյանի ֆեյսբուքյան գրառումը. ««Էրեբունի» բժշկական կենտրոնի վերաբերյալ կարելի է անվերջ խոսել:
Ուրեմն, վիրահատությունից հետո վիրահատող բժիշկը տեղեկացրեց, որ հիվանդին տեղափոխում են վերակենդանացման բաժանմունք: Որոշ ժամանակ անց հարազատները վերակենդանացման բաժանմունքից փորձեցին հիվանդի մասին տեղեկություն ստանալ: Անվտանգության աշխատակիցն ասաց, որ նման անուն-ազգանունով հիվանդ վերակենդանացման բաժանմունքում չկա և խորհուրդ տվեց տեղեկություններ հայթայթել հիվանդանոցի 2-րդ հարկում գտնվող վերակենդանացման բաժանմունքից: 2-րդ հարկի վերակենդանացման բաժանմունքի անվտանգության աշխատակիցը երկար փնտրտուքից հետո ևս հիվանդին չգտավ, հարազատներին կրկին ուղղորդեց 1-ին հարկ: 1-ին հարկի անվտանգության աշխատակիցը պնդեց, որ այդպիսի հիվանդ չկա, թեպետ առանց թևկապի ինչ-որ հիվանդի մասին պատմեց: Ամեն դեպքում, հարազատներին խորհուրդ տրվեց ընդունարան դիմել: Ընդունարանի աղջիկը զարմացավ և կարծիք հայտնեց, որ հիվանդը կգտնվի: Հարազատները 10 րոպե ժամանակ տվեցին հիվանդին գտնելու համար, տեղեկացնելով, որ հակառակ դեպքում հիվանդի որոնմամբ ոստիկանությունն է զբաղվելու: Շուրջ 8 րոպե անց հիվանդը գտնվեց:
Հիվանդի որոնման ողջ գործընթացը տևեց 40 րոպե:
Փառք Աստծո:
Կեցցե´ն «Էրեբունի» ԲԿ-ի անձնուրաց աշխատակիցները»:

Աղբյուրը` Կարեն Հեքիմյան