«Աշխատանքից ազատվելը պատժից խուսափել է, այլ ոչ թե պատիժ». Կարեն Վրթանեսյան

Ռազմական վերլուծաբան Կարեն Վրթանեսյանի ֆեյսբուքյան գրառումը. ««Լրագրողին հարվածած ոստիկանին ազատել են աշխատանքից» լուրն ուրախացրել է մեր միամիտ այն հայրենակիցներին, ովքեր չգիտեն, որ ոստիկանի արարքը ՔՐԵՈՐԵՆ պատժելի է։
Աշխատանքից ազատվելը պատժից խուսափել է, այլ ոչ թե պատիժ։
Ավելին, թո՛ղ ինձ ուղղեն իրավաբանները, եթե սխալ բան եմ ասում, բայց իմ հասկանալով այս դեպքում քրեական հետապնդում չհարուցելն էլ է իր հերթին վարույթ սկսելու թեմա։
Եթե այսքանով պատմությունն ավարտվի, կնշանակի, որ գործ ունենք համակարգային անպատժելիության հերթական դեպքի հետ»: