«Իշխանական պատգամավորները փողոցային վարքագիծ են դրսևորում մի քանի պատճառով»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Ես կարծում եմ՝ իշխանական պատգամավորները փողոցային վարքագիծ են դրսևորում մի քանի պատճառներով.
ա/ ցույց տալ հավատարմություն Նիկոլ Փաշինյանին, որ ամեն ինչ անում են, փողոցի լեզվով՝ վիզ են դնում,
բ/ որպես առաջին կետի ուղիղ գնահատական՝ բարձր տեղ են ակնկալում առաջիկա ընտրությունների իշխանական ցուցակում,
գ/ ցույց տալ հանրությանը, թե ինչ ուժեղ տղերք են: Իրականում, երբ մանդատը վերցնես, տակը բան չի մնա:
դ/ համոզված են, որ ժողովրդի մի մեծ հատված սիրում է խորհրդարանական կրկես:
Եվ, վերջապես, կասկած չունեմ, որ ընդդիմադիր պատգամավորները, եթե ճար ու ուժ ունենային և քիչ չլինեին խորհրդարանում, հրապարակավ և հաճույքով կծեծեին ՔՊ-ականներին:
Շարունակեք այդպես:
Հայ ժողովուրդը ուրախության կարիք ունի»: