«Եկեղեցին պետք է հստակ խոսի, Սփյուռքը պետք է բարձրացնի իր ձայնը». Տիրատուր քահանա Սարդարյան
![]() 299 Այսօր, 01:06 Բադեն-Վյուրթեմբերգի Հայ Համայնքի հոգևոր հովիվ Տիրատուր քահանա Սարդարյանը գրում է․ «Հայաստանում վաղուց տեղի է ունենում ոչ թե քաղաքական բանավեճ, այլ բանականության ու բարոյականության բռնաբարություն։ ՀՀ Վարչապետ Փաշինյանի վերջին հայտարարությունները՝ ուղղված եպիսկոպոսներին, Հայրապետին ու Մայր Աթոռին, վաղուց արդեն հատել են պետականության, բարոյականության ու իրավականության սահմանները։ Երբ երկրի ղեկավարը հայտարարում է, թե Քրիստոսի տունը «զավթված է հակաքրիստոսների և շնաբարո խմբակների կողմից», և ինքն է առաջնորդելու Մայր Աթոռի «ազատագրումը», ապա սա այլևս քաղաքականություն չէ։ Սա կեղծ մեսիականություն է, բռնապետություն է՝ թաքնված ժողովրդավարության դիմակի տակ։ Նման խոսքը ոչ միայն պղծում է սրբություններն, այլև քայքայում է ժողովրդավարության հիմքը։ Երբ «հոգևորական» բառը դառնում է վիրավորանք, իսկ «ազատագրություն»-ը՝ քաղաքական հաշվեհարդարի նախաբան, պետությունը կորցնում է իր հավասարակշռությունը։ Ի՞նչ է մեր պատասխանն այս վտանգին։ • Եկեղեցին պետք է հստակ խոսի, առանց վրեժխնդրության, բայց աներկբա։ • Սփյուռքը պետք է բարձրացնի իր ձայնը՝ ի պաշտպանություն հոգևոր արժանապատվության։ • Ողջ հայությունը պետք է արթնանա իր խոր քնից, վերլուծի այս ամենը, հետևություններ անի, որպեսզի չկործանենք երկիրը ու գալիք սերունդները տարբերեն ճշմարտությունը քաղաքական պրոպագանդայից։ Եկեղեցին այս պահին քաղաքական հակառակորդ չէ ու պետք էլ չի այդպիսին դառնա։ Սա վերջին մաքուր տարածքն է, որը դեռ խոսում է ճշմարտության, սիրո, համերաշխության ու ողորմության լեզվով։ Եվ հենց այդ պատճառով է, որ նրան ուզում են լռեցնել։ Բայց մենք լռել չենք կարող։ Ոչ հանուն իշխանության։ Այլ հանուն սրտերի ազատության, հավատքի արժանապատվության և գործերի սրբության»։ Աղբյուրը` Տիրատուր քահանա Սարդարյան |
«Քննչականում գործեր են սարքվում. ձայնագրությունը կա՝ մարդիկ չկան». փաստաբանների ահազանգը. «Ժողովուրդ»
10709:00Սպասվում է կարճատև անձրև և ամպրոպ, հնարավոր է նաև կարկուտ
11208:30«Եկեղեցու գրավումն ուղիղ ճանապարհ է բացում դեպի Թուրքիա, որին պետք է հետևի ստրատեգիական օբյեկտների հանձնումը». Ստեփան Դանիելյան
12606:48«Խելագար Ներոնն է՝ սեփական երկիրը կրակի մեջ տեսնելու հաճույքով ապրող». Շիրազ Խաչատրյան
21103:00«ՀԱԵ-ն մեր ինքնության ողնաշարի մասն է, հեռո՞ւ եք քայլելու հիվանդ ողնաշարով». Գարրի Արզումանյան
16701:18«Եթե գալու էր ու գավազանը շան մեջքին ու գլխին չէր կոտրելու, լավ ա, մերսի»․ Վահե Բեգոյան
27501:12«Եկեղեցին պետք է հստակ խոսի, Սփյուռքը պետք է բարձրացնի իր ձայնը». Տիրատուր քահանա Սարդարյան
28901:06«Գործն ուղարկվել է Ավան-Նոր Նորք վարչական շրջանների ընդհանուր իրավասության դատարան». Արթուր Սարգսյան
13901:00