«Արա Ռոստոմյանի մեղադրանքի հիմքը Բագրատ Սրբազանի տուն գնալն ու նրա հետ նարդի խաղալն է». Վահան Հովհաննիսյան

«Մենք տեսանք նոր կալանքի հիմք, երբ կալանքի հիմք է համարվում հակաիշխանական հայացքներ ունենալը: Արա Ռոստոմյանին մեղադրանք է առաջադրված Բագրատ Սրբազանին ճանաչելու, նրա տանը գտնվելու և նարդի խաղալու համար: Ձայնագրություններ, որին մասնակցել է Արա Ռոստոմյանը և որն իր մեջ պարունակում է անօրինական որևէ գործողության պլանավորում, չկա»,- լրագրողներին հայտնեց փաստաբան Վահան Հովհաննիսյանը՝ հավելելով. «Միջնորդությանը կից նյութերում այդպիսի բան գոյություն չունի»: