«Մարդիկ պիտի տեսնեն, որ կա ռեալ այլընտրանք». Երվանդ Վարոսյան

Փաստաբան Երվանդ Վարոսյանի ֆեյսբուքյան գրառումը. «Ժողովուրդն իրոք հոգնել է այս անադեկվատ վիճակից, ցայտող լկտիությունից, ղժղժոցից, բոլորն ուզում են հանգիստ ապրել, ուզում են անվտանգ լինել, կանխատեսելի ապագա են ուզում։
Բայց ժողովրդի զզված, հիասթափված լինելը հարցի լուծում չի։ Պիտի կարողանաք աննախադեպ շատ քանակի մարդկանց տանել ընտրատեղամաս։ Մարդիկ պիտի տեսնեն, որ կա ռեալ այլընտրանք, ու մարդիկ պիտի ուզեն այդ այլընտրանքը։
Ժողովրդին ներկայացեք ձեր թիմերով, ներկայացրեք հարևանների հետ գոյատևման ձեր իրատեսական տեսլականը, անվտանգության ու արտաքին հարաբերությունների կառուցման ձեր համակարգը, ներկայացրեք հարկային/տուգանքային տեռորը դադարեցնելու ձեր ծրագիրը։ Միայն դա կարող է արդյունք տալ։ Առկա իրավիճակի գնահատականները, ապօրինությունների բացահայտումները կարևոր են, բայց ոչ վճռորոշ, քննադատությունը կարևոր է, բայց ինքնին արդյունք չի տալու։
Կասեք՝ բա հիմա սրա ժամանա՞կն է։ Այո՝ սրա ժամանակն է։ Մտեք այս օրակարգ ու մի մտեք իշխանության ստեղծած օրակարգերը, ինչքան էլ դրանք թվան կարևոր»: