Վերջին 14 օրում ՀՀ-ում արձանագրվել է կորոնավիրուսային հիվանդության 11 դեպք

1328

Հինգշաբթի, 26 հունիսի, 2025 թ., 12:18

Մոնիթորինգի ցուցակում ավելացել է ևս մեկ Օմիկրոնի ենթատեսակ՝ XFG անվանմամբ: Այս մասին նշված է ԱՀԿ-ի 2025թ. հունիսի 25-ի հրապարակած զեկույցում:
Ներկայումս այն տարածված է 38 երկրներում։ Առաջին անգամ հայտնաբերվել է Կանադայում և արագ տարածում է ստացել ԱՄՆ-ում և Ասիայի մի շարք երկրներում:
Այս պահի դրությամբ նշված ենթատեսակը հանրային առողջապահության տեսակետից ունի ցածր ռիսկայնության մակարդակ։
Իրավիճակը գտնվում է վերահսկողության տակ, կատարվում է մշտադիտարկում։
Վերջին 14 օրվա ընթացքում Հայաստանի Հանրապետությունում արձանագրվել է Կորոնավիրուսային հիվանդության 11 դեպք, ինչը նախորդ 14 օրվա համեմատ նվազել 2 դեպքով։
Թեստավորման դրական արդյունքների մասնաբաժինը վերջին 14 օրվա ընթացքում կազմել է 11%»:

Աղբյուրը` Հիվանդությունների վերահսկման և կանխարգելման Ազգային Կենտրոն