«Դեմ ենք տրանսպորտի թանկացումը բոյկոտողներին տուգանելուն»․ ակցիա՝ ԱԺ-ի մոտ

Երևանի ավագանու ընդդիմադիր խմբակցությունների անդամներն ԱԺ-ի մոտ ակցիա են իրականացնում:

Հիշեցնենք, որ խորհրդարանում այսօր քննարկվելու է Երևանի հանրային տրանսպորտի փոխադրավարձը չվճարող քաղաքացիներին տուգանելու վերաբերյալ օրենսդրական փաթեթը։

Դիմելով ՔՊ-ականներին՝ ավագանու անդամները հարցնում էին՝ «կո՞ղմ են քվեարկելու ժողովրդին թալանելու, տուգանքի մատերիալ դարձնելու նախագծին»: Պատգամավորները կա՛մ չէին պատասխանում, կա՛մ հակադարձում էին՝ ասելով, որ դա «տուգանքի մատերիալ դարձնելու նախագիծ չէ» և «որ իրենց չսովորեցնեն՝ ինչպես քվեարկել»: Քչերն էին կանգնում ու զրուցում ավագանու անդամների հետ: