Դաշտավանցիները պահանջում են լուսացույց տեղադրել. ողբերգական վթարներն այդ խաչմերուկում անպակաս են

«Նյուզ»-ի հետ զրույցում Դաշտավան գյուղի բնակիչները մանրամասներ են պատմել ողբերգական վրաերթից: 40-ամյա կինն իր կրտսեր երեխայի՝ 14-ամյա դստեր հետ խանութ գնալիս է եղել, երբ վրաերթն է տեղի ունեցել: Տարածքում վերնանցում կա, բայց ուշ ժամ է եղել, որոշել են, որ մեքենաներ չեն լինի:
Ըստ ականատեսների, առաջինն օգության է հասել մահացածի որդին՝ առանց իմանալու, որ իր մայրն ու քույրն են վթարի ենթարկվածները: Ընտանիքը եկել էր Վարդենիսից, հող էր գնել, տուն էր կառուցում, ունի 3 երեխա:
Գյուղացիները նաև պահանջում են, որ երթևեկության կարգավորման միջոցներ նախաձեռնվեն Մասիս-Վաղարշապատ մայրուղու այդ հատվածում: Սա նմանատիպ միակ դեպքը չէ, սակայն պատկան մարմիններին դա բնավ չի հուզում, դժգոհում են նրանք: