«Մեդուզա»-ի հիմնադիր Գալինա Տիմչենկոն հեռակա կարգով ձերբակալվել է երկու ամսով

Մոսկվայի Չերյոմուշկինսկի շրջանային դատարանը հեռակա կարգով ձերբակալել է «Մեդուզա» լրատվականի հիմնադիր Գալինա Տիմչենկոյին (Ռուսաստանում ճանաչվել է՝ որպես օտարերկրյա գործակալ և անցանկալի կազմակերպություն)՝ անցանկալի կազմակերպության գործունեությունը կազմակերպելու գործով։ Այս մասին ՏԱՍՍ-ին հայտնել է դատարանի մամուլի ծառայությունը։

Խափանման միջոցը նշանակվել է 2 ամսով և ուժի մեջ կմտնի նրա ձերբակալման կամ Ռուսաստան արտահանձնման պահից։

Մայիսին Ռուսաստանի Դաշնության քննչական կոմիտեն քրեական գործ է հարուցել Տիմչենկոյի դեմ՝ Ռուսաստանի Դաշնության տարածքում անցանկալի կազմակերպության գործունեությունը կազմակերպելու հոդվածով։ Նա հետախուզվում է։

Ինչպես պարզել են քննիչները, 2024 թվականի սեպտեմբերին և 2025 թվականի մարտին Տիմչենկոն ինտերնետում տեսանյութ է հրապարակել՝ «քաղաքացիների շրջանում բողոքի տրամադրություններ ձևավորելու, ինչպես նաև նրանց Ռուսաստանի տարածքում անցանկալի հայտարարված կազմակերպության գործունեությանը ներգրավելու համար»։ Լրագրողը բնակվում է արտերկրում։