Հրազդանում վիճաբանությունն ավարտվել է դանակահարությամբ
![]() 293 Հինգշաբթի, 10 հուլիսի, 2025 թ., 11:18 Երեկ՝ հուլիսի 9-ին, վիճաբանություն և դանակահարություն է տեղի ունեցել Կոտայքի մարզում: Ժամը 19:50-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզային քրեական վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Հրազդանի բաժնում օպերատիվ տեղեկություններ են ստացվել, որ Հրազդան քաղաքի Միկրոշրջան թաղամասի շենքերից մեկից «Հրազդան» բժշկական կենտրոնի շտապօգնության բժիշկների հերթապահ խումբը մի տղամարդու տեղափոխել է «Հրազդան» բժշկական կենտրոն: Ինչպես դեպքի վայրից հայտնում է ֆոտոլրագրող Գագիկ Շամշյանը, բժիշկները ոստիկաններին ու պարեկներին հայտնել են, որ վիրավորը ի վիճակի չէ կատարվածի մասին բացատրություն տալ, քանի որ գտնվում է վիրահատարանում: Իրավապահները պարզել են, որ տղամարդը հիվանդանոց է տեղափոխվել Հրազան քաղաքի Միկրոշրջան թաղամասի թիվ 69 շենքի 2-րդ հարկի բնակարանից՝ «որովայնի առաջային և կողային պատի կտրած-ծակած, թափանցող վերք՝ սուր ներքին արյունահոսությունով» ախտորոշմամբ: Նշված տանը ոստիկաններն ու քննիչները հայտնաբերել են արնանման հետքեր, կոտրած ապակիներ և դանակ, որը, ըստ նախնական տեղեկությունների, հանցագործության գործիք է:Դեպքի վայրում աշխատել է նաև ՀՀ քննչական կոմիտեի փորձաքրեագետը: Դեպքի փաստով քննչական վարչությունում նախաձեռնվել է քրեական վարույթ, ոստիկանությունն ու քննչական բաժինը ձեռնարկում են անհրաժեշտ օպերատիվ հետախուզական և քննչական համատեղ գործողություններ՝ դեպքի հանգամանքները, վիճաբանության մասնակիցների ինքնությունը ճշտելու, նրանց հայտնաբերելու ուղղությամբ: Դեպքի վայրի հարևանությամբ բնակվող մի քանի քաղաքացիներ, ովքեր հրաժարվել են տեսախցիկի առաջ խոսել, ասում էին, որ վիրավորը 2 այլ քաղաքացու հետ նշված բնակարանում բնակվում էին վարձակալական հիմունքներով: |
Դիլիջանի թունելի հարևանությամբ բախվել են «Toyota Land Cruiser»-ն ու «Hyundai X35»-ը. 10 վիրավորից 4-ը երեխաներ են
1219:24«Ավտոմեքենան շրջվել է ճանապարհի երթևեկելի հատվածում․ կա զոհ և տուժած»․ ՆԳՆ ՓԾ
3119:00Մոտոցիկլը բախվել է լիցքավորման սարքին ու բռնկվել․ մոտոցիկլավարը մահացել է
6316:54Տեսախցիկը ֆիքսել է Անդրեյ Պարուբիի սպանության պահը (տեսանյութ)
10815:31Մարդասպանը 8 անգամ կրակել է Պարուբիի վրա․ նա առաքիչի հագուստով է եղել
10914:13Լվովում սպանվել է Ուկրաինայի Գերագույն ռադայի նախկին նախագահը (լուսանկար)
11514:01Սյունքիում ավտոմեքենան ընկել է ձորը․ կա 1 զոհ, 1 վիրավոր
9112:36Շտապօգնության ավտոմեքենան Կանաչուտ գյուղում բախվել է երկաթե սյանը․ կան վիրավորներ
8311:42