«Թրամփն անդառնալիորեն փոխել է աշխարհակարգը»․ #Politico 

Դոնալդ Թրամփն անդառնալիորեն փոխել է աշխարհակարգը ԱՄՆ նախագահի պաշտոնում երկրորդ ժամկետով պաշտոնավարելուց վեց ամսվա ընթացքում։ Այս մասին Ասպենի անվտանգության ֆորումում հայտարարել են քաղաքական փորձագետներն ու նախկին ամերիկացի պաշտոնյաները։

Politico-ի լրագրողները զրուցել են ֆորումի մասնակիցների հետ։ Նրանց խոսքով՝ Դոնալդ Թրամփի վարչակազմի գործողությունները «լուրջ հարված են հասցրել» երկրորդ համաշխարհային պատերազմից հետո ձևավորված աշխարհակարգի բազմաթիվ ասպեկտներին։ Նրանք նշել են, որ դրանք, ի թիվս այլ բաների, նկատի ունեն ազատ առևտրի և երկարաժամկետ համագործակցության հարցերը։

Ինչպես գրում է հրատարակությունը, Դոնալդ Թրամփի առաջին նախագահական ժամկետի ընթացքում ԱՄՆ ազգային անվտանգության պաշտոնյաները կարծում էին, որ կարող են ազդել նրա քաղաքականության վրա։ Սակայն այժմ «դժվար է դարձել գտնել ռազմավարություն» Սպիտակ տան գործողություններին «գոնե մասամբ» ազդելու համար։