Թրամփը Պուտինի և Ուիթքոֆի հանդիպումը չափազանց արդյունավետ է անվանել

Ռուսաստանի նախագահ Վլադիմիր Պուտինի և ԱՄՆ նախագահի հատուկ դեսպանորդ Սթիվեն Ուիթքոֆի հանդիպումը շատ արդյունավետ էր, և մեծ առաջընթաց է գրանցվել։ Այս մասին հայտարարել է Դոնալդ Թրամփը։
«Իմ հատուկ դեսպանորդ Սթիվ Ուիթքոֆ հենց նոր չափազանց արդյունավետ հանդիպում ունեցավ Ռուսաստանի նախագահ Վլադիմիր Պուտինի հետ։ Մեծ առաջընթաց է գրանցվել։ Ես արդեն տեղեկացրել եմ մեր որոշ եվրոպացի դաշնակիցների», - գրել է ԱՄՆ առաջնորդը Truth Social սոցիալական ցանցում։ «Բոլորը համաձայն են, որ պատերազմը պետք է ավարտվի, և մենք կաշխատենք դրա վրա առաջիկա օրերին և շաբաթներին», - հավելել է նա՝ անդրադառնալով Ուկրաինայի հակամարտությանը։