Ադրբեջանն ու ԱՄԷ-ն հրաժարվել են մասնակցել «Եվրոտեսիլի» ռուսական անալոգին. Հայաստանը նույնպես չկա ցանկում

14945

Չորեքշաբթի, 20 օգոստոսի, 2025 թ., 23:44

Ադրբեջանն ու ԱՄԷ-ն հրաժարվել են մասնակցել «Եվրոտեսիլի» ռուսական անալոգին։
Ռուսական «Ինտերվիզըն 2025» մրցույթի կազմակերպիչները, որը ներկայացել էր՝ որպես «Եվրոտեսիլի» այլընտրանք, արդեն իսկ մերժվել են երկու պետության կողմից. Ադրբեջանը և Միացյալ Արաբական Էմիրությունները, որոնք նախկինում հայտարարվել էին որպես մասնակից երկրներ, դուրս են եկել պաշտոնական ցուցակից։ Ինչպես հաղորդում է ՏԱՍՍ-ը՝ հղում անելով «Արվեստի ավանդույթներ» կազմակերպչական հիմնադրամին, այս երկրները հրաժարվել են մասնակցել «ներքին պատճառներով և նախապատրաստման համար ժամանակի սղության պատճառով»։

Մրցույթի Telegram ալիքում հրապարակված թարմացված ցուցակում փոխարենը հայտնվել է Մադագասկարը։ Այսպիսով, մասնակիցների վերջնական ցուցակում ընդգրկված է 19 երկիր՝ Բելառուս, Վենեսուելա, Վիետնամ, Եգիպտոս, Հնդկաստան, Ղազախստան, Կատար, Չինաստան, Կոլումբիա, Կուբա, Ղրղզստան, Մադագասկար, Ռուսաստան, Սաուդյան Արաբիա, Սերբիա, Տաջիկստան, Ուզբեկստան, Հարավային Աֆրիկա և ԱՄՆ։

Կազմակերպիչների խոսքով՝ նախկինում հրավերներ են ուղարկվել մի շարք եվրոպական երկրների։ «Այս տարի մրցույթին ներկայացված կլինեն բոլոր մայրցամաքները, ինչը ցույց է տալիս ձևաչափի նկատմամբ համաշխարհային հետաքրքրությունը։

Ռուսաստանը չի մասնակցում «Եվրոտեսիլին» 2022 թվականից. կազմակերպիչները կասեցրել էին երկրի մասնակցությունը Ուկրաինա ներխուժումից հետո։