«Իրանում վնասազերծվել է ահաբեկչական խմբավորում». #Tasnim

586

Կիրակի, 24 օգոստոսի, 2025 թ., 00:18

Իրանի հետախուզական ուժերը երկրի հարավարևելյան Սիստան և Բելուջիստան նահանգում վնասազերծել են ահաբեկչական խմբավորում: Այս մասին հայտնում է Tasnim-ը։

Հետախուզական ուժերը սպանել են վեց զինյալի, գերեվարել երկուսին՝ առգրավելով ժամանակակից զենքի, տրանսպորտային միջոցների և այլ օպերատիվ սարքավորումների մեծ պաշար։

Հետախուզության նախարարության Սիստան և Բելուջիստանի գրասենյակը հայտնել է, որ գլխավոր օպերատիվ խումբը բաղկացած է եղել յոթ ոչ իրանցի ահաբեկիչներից, որոնք զինված են եղել լազերային՝ RPG-7 տեսակի զենքերով, ամերիկյան արտադրության M4 և M16 հրացաններով, ձեռքի նռնակներով, նռնականետերով, պայթուցիկ բաճկոններով, ձեռքի ռադիոկապերով, մեծ քանակությամբ զինամթերքով և հակահետևակային RPG լիցքերով։

Գործողության ընթացքում առգրավվել են նաև մի քանի տրանսպորտային միջոցներ, մոտոցիկլետներ և դրանց հետ կապված գործիքներ։

Գործակալության տվյալներով՝ ահաբեկչական խումբը մտադիր էր թիրախավորել Իրանի արևելքում գտնվող կարևորագույն օբյեկտ։ Նախատեսված թիրախը շատ նման էր սիոնիստական ռեժիմի կողմից պարտադրված12-օրյա պատերազմի ընթացքում հարվածի ենթարկված ռազմական օբյեկտներին, ինչը բացահայտում էր ահաբեկչական խմբի կապն Իսրայելի հետ։