ԵՄ-ն կտրականապես մերժում է Վրաստանում ԵՄ դերի մասին ապատեղեկատվությունը

Եվրոպական արտաքին գործողությունների ծառայությունը հայտարարություն է տարածել Վրաստանում հոկտեմբերի 4-ին կայացած ընտրությունների և հաջորդած իրադարձությունների վերաբերյալ։ Այնտեղ ԵՄ առաջնորդները կոչ են արել բոլոր կողմերին զերծ մնալ բռնությունից։ Հայտարարությունն ստորագրել են ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասը և ԵՄ ընդլայնման հարցերով հանձնակատար Մարտա Կոսը։ Հայտարարության մեջ ասվում է, թե ընտրությունները «...տեղի են ունեցել խոսքի ազատության վրա լայնածավալ ճնշման ֆոնին... Ընդդիմության մեծ մասը բոյկոտել է ընտրությունները, և մասնակցությունը համեմատաբար ցածր է եղել...»:

«Մենք կոչ ենք անում հանգստության և զսպվածության հետընտրական շրջանում և կոչ ենք անում իշխանություններին պաշտպանել քաղաքացիների հավաքների և խոսքի ազատության իրավունքները... ԵՄ-ն կտրականապես մերժում և դատապարտում է Վրաստանում ԵՄ դերի մասին ապատեղեկատվությունը և դատապարտում է ԵՄ դեսպանի վրա անձնական հարձակումները», - հայտարարել են Կալլասը և Կոսը։